Laina o le Ola 988 mo le Pule i le Soifua ma Fa'afitauli tugā

O le 988 Lifeline mo le Pule i le Soifua & Fa'afitauli: Tusi Ta'iala mo Paaga (PDF-i le Igilisi) lea ua maua. O lenei tusi ta'iala o loo iai fa'amatalaga mo fesoasoani, fe'au tusitusia, ma auala fausia i faiga fa'aagafesoota'i e mafai ona e fa'aaogaina e fa'asoa atu ai fa'amatalaga o le 988 Lifeline i lau au fa'alogologo. O lenei tusi ta'iala o loo iai fa'amatalaga mai uepesite fa'aagafesoota'i ma ata i le Igilisi ma le Fa'aSipaniolo.

Mo fesili e fa'atatau i le 988 program (polokalame o le 988) i le Washington State Department of Health (Matagaluega o le Soifua Maloloina i le Setete o Uosigitone), fa'amolemole imeli i le 988ProgramInfo@doh.wa.gov. 'Aua le fa'aaogaina lenei pusameli pe afai o oe poo se tagata e te iloa o loo mana'omiaina le fesoasoani i taimi o fa'afitauli. Ae valaau, lafo se fe'au tusitusia, pe talanoa i le 988 Lifeline.

Valaau, lafo se fe'au tusitusia, pe talanoa ile 988 (i le Igilisi ma le Fa'aSipaniolo) ina ia e maua le 988 Lifeline mo le Pule i le Soifua & Fa'afitauli. O le 988 Lifeline e fa'alilolilo, leai se totogi, ma avanoa i soo se taimi 24/7/365.

E mafai ona e fesoota'i le 988 Lifeline mo fesoasoani i:

Mafaufauga e pule i le soifua
Aafiaga o le mafaufau
Popolega i le fa'aaogaina o fualaau fa'asaina
Soo se isi ituaiga o fa'afitauli e mamafa i le mafaufau

E mafai foi ona e viliina le 988 Lifeline pe a e popole i se tasi e te alofa iai e ono mana'omia se fesoasoani i taimi o fa'afitauli.

988 Lifeline mo le Pule i le Soifua & Fa'afitauli Pine Fa'ailoga i Peleti o Laisene

E mafai e tagata lautele ona fa'atau se pine fa'ailoga i peleti o laisene o puipuiga o le pule i le soifua e lagolago ai Veterani ma Sui Auai o le Militeri mo Puipuiga o le Pule i le Soifua i le Department of Veterans Affairs (DVA, Vaega mo Mataupu tau Veterani). Asiasi i le uepesite a le Department of Licensing (Vaega mo Laisene) (maua i gagana eseese e 6) mo le okaina o se pine. A'oa'o atili i fa'amatalaga o loo i le uepesite o le DVA mo Pine o Puipuiga o le Pule i le Soifua (i le Igilisi).

O 'au'aunaga a le 988 Lifeline o loo maua i le Fa'aSipaniolo ma le American Sign Language (ASL, Gagana Amerika Faitaga) fa'atasi ai ma auaunaga fa'aliliu i le sili atu ma le 240 gagana ma gagana fa'apitoa.

Afai e te logonoa, fa'aletonu le fa'alogo, poo e fa'aaogaina le TTY, e mafai ona e fa'aaogaina le 'au'aunaga i le gagana e te mana'o iai. E mafai foi ona e viliina le 711 ona toe vili lea o le 988.

E mafai ona e maua fesoasoani i taimi o fa'afitauli tugā i le ASL e ala i le asiasi i le 988lifeline.org, filfilia o le sootaga o le "For Deaf & Hard of Hearing (Mo i latou e logonoa & Faigata le Fa'alogo)" ona filifili lea o le "ASL Now (ASL Taimi Nei)" i le itulau e sosoo ai.

E le suia e le 988 soo se ofisa telefoni 'autū o fa'afitauli i le setete o Uosigitone. O le fa'aopoopoga i ofisa telefoni 'autū soofa'atasi i le setete mo fa'afitauli. E leai ni suiga e fa'amatuu atu mo Vaega Tōfia e Muamua Tali Atu i Taimi o Fa'afitauli ma vaega e nafa ma le taliina o telefoni feavea'i i taimi o fa'afitauli poo matafaioi o soo se isi auaunaga i atumotu i taimi o fa'afitauli. O ofisa telefoni 'autū o le 988 Lifeline mo fa'afitauli o le a fa'aauauina pea ona galulue i luga o faiga fa'avae o le lotoifale ma o le a fesoota'i ma 'au'aunaga o le 911 ma 'au'aunaga i taimi o fa'afitauli a atumotu e pei ona masani ai.

Tala'aga o le 988 Lifeline

E mafai ona e valaau, lafo se fe'au tusitusia, pe talanoa i le 988 Lifeline i lau telefoni feavea'i, telefoni i le fale, poo le telefoni i luga o le Initaneti.
Afai e te fa'afesoota'ia le 988 Lifeline, o le a tuuina oe i se faufautua fa'apitoa o le mafaufau i le ofisa telefoni 'autū o le 988 Lifeline mo fa'afitauli.
O le Lifeline e fa'alilolilo, leai se totogi, ma avanoa i soo se taimi 24/7/365. E fesoota'i ai soo se tasi ua iai lagona fia pule i le soifua pe o fa'afitauli o le mafaufau i se faufautua fa'apitoa o le mafaufau. Afai ete popole i se tasi e te alofa iai e ono mana'omia se fesoasoani i taimi o fa'afitauli, e mafai foi ona e viliina le 988 Lifeline.
E le mana'omia le tuuina mai o ni fa'amatalaga patino ina ia maua ai 'au'aunaga pe a viliina le 988. E ono mata'ituina valaau, fe'au tusitusia, ma talanoaga pe fa'amaumauina mo le fa'amautinoaina o le lelei fa'atino o galuega pe mo le faia o a'oa'oga. E tele vaega malupuipuia o fesoota'iga o sisitema mo le fa'ailoaina o popolega i le fa'aliloliloina o fa'amatalaga.

'Au'aunaga o le 988 Lifeline mo Nisi o Vaega

Laina mo Veterani i Taimi o Fa'afitauli

Afai o oe o se Veterani e iai ni fa'afitauli poo ni popolega, vili le 988 ona oomi lea o le 1 ina ia fesoota'iina ai oe i le Laina mo Veterani i Taimi o Fa'afitauli (i le Igilii ma le Fa'aSipaniolo) E mafai foi ona e talanoa i luga o fesoota'iga fa'aupega tafa'ilagi (i le Igilisi ma le Fa'aSipaniolo) pe lafo se fe'au tusitusia i le 838255. O le Laina mo Veterani i Taimi o Fa'afitauli e tautuaina ai tagata Veterani, o sui galulue, Vaega e Puipuia le Saogalemū i le Lotoifale ma Sui Fa'aleoleo, fa'apea ma i latou o loo lagolagoina lenei vaega. E leai se mea e te lesitala ai i penefiti o le VA poo tausiga fa'asoifua maloloina mo le faia o se valaau.

Laina mo le Gagana Sipaniolo

Mo le maua ai o fesoasoani i taimi o fa'afitauli i le gagana Sipaniolo, valaau, lafo se fe'au tusitusia, pe talanoa i le 988 Lifeline ma filifili le vaega lona 2.

E mafai ona e maua se fesoasoani i gagana e ese mai le Igilisi poo le Sipaniolo pe a vili le 988 Lifeline ma fa'ailoa iai le igoa o le gagana e te mana'omia. E ofoina e le Lifeline isi 'au'aunaga fa'aliliu i le sili atu ma le 240 ituaiga o gagana eseese. O nei 'au'aunaga e avanoa i soo se taimi 24/7/365.

Laina mo Vaega Fesoota'i Fa'atupulaga Talavou o le LGBTQI+

O le 988 Lifeline e iai lana laina fa'apitoa mo tupulaga fa'afateine, fa'afatama, tagata e lua ituaiga fa'afeusua'iga, tagata fesuia'i itupa e ala i ta'otoga, tagata e leai sona itupa poo le tagata e le mautonu i lona itupa, tagata e iai uma lagona fa'atama ma fa'ateine, tagata e leai ni lagona fa'afeusua'iga, ma tama ma teine e iai lagona e tutusa itupa (LGBTQIA2S+) ma tupulaga laiti i le va o le 13 ma le 24 tausaga.

Mo le fesoota'i atu i se faufautua o fa'afitauli e mafai ona saunia ma fa'amaonia fesoasoani tau LGBTQIA2s+, e mafai ona e valaau, lafo se fe'au tusitusia, pe talanoa i le 988 ma filifili le vaega lona 3.

Initia Amerika ma Tagatanuu Alaska

O le Native and Strong Lifeline (Laina o le Ola mo Tagatanuu) (i le Igilisi) o le polokalame muamua i lona ituaiga i totonu o le malo ua faia fa'apitoa mo le tautuaina o tagata Initia Amerika ma Tagatanuu o Alaska. E fa'afoeina e Volenitia o Amerika i Uosigitone i Matū, o lenei laina e avanoa mo tagata e valaau i le 988 Lifeline ma filifili le vaega lona 4. E fa'apitoa lava mo Initia Amerika o Uosigitone ma Tagatanuu o komiuniti o Alaska.

O valaau e taliina mai e vaega faufautua o fa'afitauli i le Lotoifale, o i latou ia o sui mai ituaiga o tagata eseese i le lotoifale ma augatupulaga vavalalata i o latou komiuniti. O faufautua o le Native and Strong Lifeline ua matuā a'oa'oina lelei i le foiaina o fa'afitauli ma auala fesoasoani, fa'atasi ai ma fa'amamafa fa'apitoa i le aganuu ma togafitiga masani fa'aleaganuu e talafeagai ma togafitiga.

Tagata e fa'aaogaina Gagana Faitaga Amerika (ASL)

O le 988 Lifeline mo le Pule i le Soifua & Fa'afitauli e ofoina 'au'aunaga tau ASL mo tagata i taimi o fa'afitauli.

Mo le maua ai o fesoasoani i le taimi nei i le ASL, e mafai ona mulimuli i laasaga nei:

Asiasi i le 988lifeline.org
Filfili le sootaga o le "For Deaf & Hard of Hearing (Mo i latou e logonoa & Fa'aletonu le Fa'alogo)"
Filifili le "ASL Now" (ASL i le Taimi Nei) i le itulau e sosoo ai

E mafai foi ona e valaau i le 1-800-273-TALK (8255) mai le vitiō o lau telefoni ina ia e maua fesoasoani mo oe poo tagata e pele ia te oe i taimi o fa'afitauli.

House Bill 1477 ma le Fa'avaeina o le 988

I le 2020, o le Federal Communications Commission (FCC, Komisi Feterale o Fesoota'iga) sa latou fa'aaogaina le National Suicide Hotline Designation Act (Tulafono Ta'iala i le Lotoifale mo Laina Telefoni Fa'aaogaina). O lea tulafono ua filifilia ai le 988 e fai ma numera fesoota'i fou i totonu o le atunuu atoa, mo soo se tasi e iai fa'afitauli o le mafaufau e aofia ai lagona fia pule i le soifua. E mafai ona e fa'aaogaina lenei 3-fuainumera faigofie ona manatua e fai ai lau valaau, lafo se fe'au tusitusia, pe talanoa i le 988 Lifeline mo le Pule i le Soifua & Fa'afitauli. E mafai foi ona e talanoa i luga o fesoota'iga fa'aupega tafa'ilagi (i le Igilisi ma le Fa'aSipaniolo).

Na pasia e le Fono Faitulafono i Uosigitone le House Bill (Tulafono o le Fale)1477 (Engrossed Second Substitute House Bill (E2SHB, Fuafuaga Fa’aleTulafono mo Suiga Tāua i Totonu o le Falefono) 1477) (PDF) (i le Igilisi) e lagolago ai le 988 Lifeline mo le Pule i le Soifua & Fa'afitauli fa'aopoopo ai ma le fa'aleleia ma le fa'alauteleina o tali i fa'afitauli i amioga fa'asoifua maloloina ma 'au'aunaga mo puipuiga o le pule i le soifua mo tagata uma i le setete o Uosigitone. O le E2SHB 1477 e ta'ua foi o le Crisis Call Center Hubs and Crisis Services Act (Fetaula'iga o Ofisa Telefoni 'Autū mo Fa'afitauli ma le Tulafono Ta'iala mo 'Au'aunaga i Taimi o Fa'afitauli). Sa sainia le E2SHB 1477 i totonu o le tulafono e le Kovana o Jay Inslee ia Me 13, 2021.

Sa fa'avaeina foi e le E2SHB 1477 le Komiti o le Crisis Response Improvement Strategy (CRIS, Ta'iala mo le Fa'aleleia o Tali Atu i Fa’afitauli) fa'apea ma le Komiti Fa'afoe. O nei komiti o le a faia fautuaga i le Kovana ma le Fono Faitulafono ina ia fesoasoani i le fa'aaogaina o le numera 988 i le lotoifale ma vaega o le E2SHB 1477. Afai e te fia auai o oe o se sui o tagata lautele, e mafai ona e lesitala ina ia auai i se fonotaga ma tuuina atu ai manatu fa'aalia o tagata lautele (o loo maua i le Igilisi).

Mo fa'amatalaga au'iliili, fa'amolemole silasila i le itulau fa'a'upega tafa'ilagi a le Komiti o le Crisis Response Improvement Strategy (CRIS) (i le Igilisi).

Faitau le 2023 988 Legislative Report (Lipoti o Tulafono 988 i le 2023) (i le Igilisi)

House Bill 1134

I le 2023, na pasia ai e le Fono Faitulafono i Uosigitone le House Bill (HB, Tulafono o le Fale) 1134 (o loo maua i le Igilisi) e lagolago ai le fa'aaogaina o le 988 Lifeline mo le Pule i le Soifua & Fa'afitauli.

O lenei tulafono ua fa'alauteleina ai auaunaga i taimi o fa'afitauli i Uosigitone e ala i le faia o se fa'amaoniga mo vaega e tali vave i taimi o fa'afitauli ma fa'atupeina ai ia vaega fesuisuia'i fa'apea ma a'oa'oga mo tagata e nafa ma le tali atu i taimi o fa'afitauli.

E tusa ai ma le tulafono, o le a faia e le University of Washington fautuaga mo le au galulue i taimi o fa'afitauli ma a'oa'oga mo sauniuniga mo le au tausi soifua aua le soifua manuia o amioga fa'aalia i Uosigitone. O le Department of Health o le a latou faia se fa'alauiloa e fa'ailo atu ai le 988 Lifeline e fa'aopoopo i pepa o fa'amatalaga o loo fa'amatalaina ai le 988, pe fa'apefea ona fa'atino ae o le a foi lona fa'aaogaina. O le fa'amoemoega ina ia fesoasoani i le fa'ateleina o fa'alauiloa ma le fa'aalia atili o le 988 Lifeline.

O isi vaega taualoa o le tulafono taufa'aofi e aofia ai le galulue aga'i i nofoaga mo le fa'aleleia o le fa'afoeina o valaau i le 911 mo fa'afitauli i le soifua maloloina o le mafaufau. O le uiga o lenei mea o faufautua o le 988 o fa'afitauli e tasi le nofoaga e iai e pei o tagata galulue o le 911 e mafai ona taliina nei valaau ma tuuina atu le latou lagolago.

Fuafuaga o le Suiina o Valaau i Fa'afitauli o le Soifua Maloloina o le Mafaufau

O le 988 Lifeline o loo tumau pea le fou. O le tele o tagata i Uosigitone e fa'aauau pea ona viliina le 911 mo fa'afitauli o le mafaufau ma popolega i le fa'aaogaina o fualaau fa'asaina, o le mea lea e sili ai i faufautua o le 988 o fa'afitauli ona saunia la latou fesoasoai i nei mataupu.

O le Washington State Department of Health (DOH) i le Setete o Uosigitone e galulue fa'atasi ma ofisa telefoni 'autū i taimi o fa'afitauli o le 988 Lifeline i Uosigitone ma le 3 Public Safety Answering Points (Vaega Saogalemū e Tali ai Tagata Lautele), poo le PSAP (ofisa telefoni 'autū o le 911), i se alafua la'itiiti e ta'ua o Fuafuaga o le Suiina o Valaau i Fa'afitauli o le Soifua Maloloina o le Mafaufau. O ulua'i fuafuaga e lua ona mafuaaga 'autū:

E fesoasoani i tagata i taimi o fa'afitauli ina ia vave ona maua fesoota'iga ma faigofie mo a'oa'oga a faufautua o fa'afitauli
O le suiina o valaau i le 911 i taimi o fa'afitauli ina ia fesoasoani mo le fa'amalamalamaga i le tagata valaau ina ia malamalama atili ma fa'aitiitia ai le mafatia i auaunaga tau fa'alavelave fa'afuase'i.

O le polokalame fa'ata'ita'i na amata ia Setema 2023. O le fa'amoemoe o le amata galulue fa'atasi lea o faufautua o fa'afitauli ma le 3 o le 65 PSAP o le setete ia Ianuari 2024. I nisi mataupu, o le a tuuina e faufautua o fa'afitauli i totonu o le PSAP (taliina o valaau i lea nofoaga). I isi, o le a latou galulue vavalalata ma le PSAP mai se nofoaga 'ese.

O le a amata le fa'ata'ita'iga ia Ianuari se'ia oo ia Tesema 2024. E sa'ili e fa'amaonia avanoa mo le maua ai o fesoasoani mo le soifua maloloina o le mafaufau fa'atasi ai ma le fa'aitiitia o le faiga fa'atuai e ala i fesoasoani a faufautua o fa'afitauli o le 988 Lifeline i valaau i le 911 e talafeagai lelei mo le 988. O lenei mea e fa'atagaina ai tagata e tali atu muamua i fa'afitauli ina ia taula'i i fa'alavelave fa'afuase'i e mana'omia ai auaunaga fa'amatuu atu a le 911.

O fa'amatalaga mai le polokalame fa'ata'ita'i o le a fesoasoani i le DOH ma paaga i le filifilia pe fa'alautele 'au'aunaga a le 988 Lifeline i lenei auala i Uosigitone.

Fa'amolemole fesoota'i atu i le pusameli a le 988 program mo soo se fesili.

O se fa'afanua vevela o le setete o Uosigitone o loo iai itumalo o valivaliina fa'atatau i fale telefoni 'autū mo fa'afitauli lea e taliina ai valaau mai nofoaga eseesse.

Ofisa Telefoni 'Autū mo Fa'afitauli

E tolu ofisa telefoni 'autū o le 988 Lifeline mo fa'afitauli i Uosigitone o loo taliina valaau mai itu uma o le setete:

Volunteers of America of Western Washington
Frontier Behavioral Health
Crisis Connections

O lau valaau o le a tuuina atu i se tasi o nei ofisa telefoni 'autū mo fa'afitauli e fua i luga o le fa'afanua i le itu taumatau. O valaau e tuuina solo e fua i le numera o le nofoaga e sau ai le valaau.

O loo fa'afaigaluegaina e le ofisa telefoni 'autū o fa'afitauli tagata e fesoasoani i le taimi nei! Afai e te fia auai i se galuega fesoasoani i tagata i taimi o fa'afitauli, apalai i se galuega i se ofisa telefoni 'autū mo fa'afitauli (o loo maua i le Igilisi).

Fesili Masani

O le a le National Suicide Prevention Lifeline (NSPL, Laina o le Ola mo Puipuiga o le Pule i le Soifua i le Lotoifale) ae fa'amata e suiina e le 988 Lifeline mo le Pule i le Soifua & Fa'afitauli?

O le NSPL o se fesoota'iga soofa'atasi o tagatanuu o le lotoifale, tuto'atasi ma ofisa telefoni 'autū mo fa'afitauli e fa'atupeina e le setete. E fa'aupegaina ina ia tali atu ma fesoasoani i tagata o loo iai mafatiaga o lagona pe ua iai mafaufauga e pule i le soifua.

O le 988 Lifeline mo le Pule i le Soifua & Fa'afitauli na te le suia le sefulu-fuainumera telefoni o le NSPL peita'i na te saunia isi auala faigofie mo tagata ina ia mafai ona fesoota'i atu i le tele o ofisa telefoni 'autū mo fa'afitauli. E mafai ona e valaau i telefoni a le o le 988 Lifeline poo le 1-800-273-TALK (8255) e fesoota'i ai.

O le a le mea e tupu pe a ou valaau i le 988?

Afai e te valaau i le 988, o le a e fa'alogoina se fe'au fa'afeiloa'i e fa'ailoa mai ai numera fa'aopoopo e filifili iai (numera 1 mo le Laina mo Veterani i Taimi o Fa'afitauli, numera 2 mo le Laina i le Gagana Sipaniolo, numera 3 mo le Laina mo Vaega Fesoota'i Fa'atupulaga Talavou o le LGBTQI+, ma le numera 4 mo le Native and Strong Lifeline).

Afai e te fa'atali i luga o le laina e aunoa ma le filifilia o soo se numera, o le a tuuina lau valaau i se ofisa telefoni 'autū mo fa'afitauli o le 988 Lifeline (e fua i le numera o lou nofoaga). Afai e le mafai ona taliina le valaau e le ofisa telefoni 'autū i le lotoifale, e otometi ona tuuina lau valaau i se isi ofisa telefoni 'autū i le setete o Uosigitone poo se isi ofisa fa'aleoleo mo fa'afitauli i le lotoifale. O lenei pepa ata o fa'amatalaga (o loo maua i le Igilisi) e iai le tele o fa'amatalaga e fa'atatau i le tuuina solo o valaau e le 988 Lifeline.

O le a taliina e se faufautua o fa'afitauli ua a'oa'oina au valaau, fe'au tusitusia, poo talanoaga. O le a fa'alogologo lenei tagata ia te oe, galue ina ia malamalama i mafatiga o loo feagai ma oe, saunia fesoasoani, ma galulue fa'atasi ma oe i auala ina ia e maua ai le malosi. E mafai foi ona latou fesoota'iina oe i fesoasoani fa'aopoopo ma mea talafeagai e fa'aaoga.

O 'au'aunaga Tuusa'o a le 988 Lifeline o loo maua fa'aliliuga i le Igisili, Fa'aSipaniolo, ma le ASL. E ofoina foi e le Laina o le Ola 'au'aunaga fa'aliliu i le sili atu ma le 240 gagana fa'aopoopo ma gagana fa'apitoa mo i latou e valaau i le 988. O 'au'aunaga Fa'aliliu e saunia e le Laina Gagana Fa'aliliuina.

O anafea na amata fa'aola tuusa'o ai le 988 Lifeline mo le Pule i le Soifua & Fa'afitauli i totonu o le atunuu?

Iulai 16, 2022. O loo avanoa numera viliina o le 988 i le atunuu atoa.

O le a le mea e ese ai le 988 mai le 911?

O le 988 Lifeline sa fa'avaeina ina ia fa'aleleia atili avanoa i auaunaga i taimi o fa'afitauli i se auala e fa'amalieina ai mana'oga o lo tatou atunuu i le fa'atuputupulaia o tagata pule i le soifua ma fesoasoani i fa'afitauli e fesoota'i ma le soifua maloloina o le mafaufau. O le numera 988 e saunia ai auala faigofie mo ofisa telefoni 'autū mo fa'afitauli fa'apea ma mea fa'aaoga e talafeagai ma fa'afitauli. O nei ofisa telefoni 'autū o fa'afitauli ma mea e fa'aaoga e talafeagai ma fa'afitauli e ese mai ma fa'amoemoega o le 911 mo le saogalemū o tagata lautele. O le 911 e taula'i i le fa'amatuu atu o le Emergency Medical Services (EMS, 'Au'aunaga Fa'afoma'i i Taimi o Fa'alavelave Fa'afuase'i), fuimū, ma leoleo pe a mana'omia.

Afai oute valaau i le 988, fa'amata e tali mai tagata e muamua taliina valaau i taimi o fa'afitauli, e pei o leoleo poo le EMS, ma fa'amatuuina mai 'au'aunaga mana'omia i se taimi vave?

O le sini 'autū o le 988 Lifeline o le sauniaina lea o fesoasoani mo tagata i taimi e fesoua'ina ai i mafaufauga fiapule i le soifua, fa'afitauli o le mafaufau, poo taimi ua lofituina ai le mafaufau i mafatiaga i taimi sili ona latou mana'omia ai le fesoasoani, ma i se itu o loo taula'i ai i mana'oga o tagata o loo pagatia i fa'afitauli.

O le tele o tagata e sa'ilia fesoasoani mai le 988 Lifeline e le mana'omia ni faiga fa'alavelave fa'aopoopo i lena taimi. I le taimi nei, e itiiti ma le 2% o valaau i le 988, fe'au tusitusia, ma talanoaga e mana'omia ai auaunaga i fa'alavelave fa'afuase'i, e pei o le 911. Talu ai o nisi fa'afitauli o le saogalemū ma le soifua maloloina e ono mana'omia ai le tali mai o i latou e fa'amalosia tulafono poo EMS (e pei o se taimi e iai se fa'alavelave i se isi tau pule i le soifua), e tuufa'atasia e le 988 Lifeline tali mo le fa'amoemoe e fa'alauiloa ai le mausalī ma le amanaia o valaau i se si'osi'omaga sa'oloto ma lelei.

Fa'amata a vili atu i le 988 Lifeline e tuuina i le 911?

O se pasene la'itiiti o valaau i le 988 Lifeline e mana'omia ai le fa'aolaina o le sisitema 911 ina ua iai se tulaga fa'apopoleina ai le aafia o le soifua o se tagata ma le mafai ona fa'aitiitia i le taimi o le valaau. I nei mataupu, e fa'asoaina e le faufautua o fa'afitauli fa'amatalaga i le 911 mo fesoasoani i le fa'asaoina o le soifua o le tagata i taimi o fa'afitauli.

E fa'amaumauina la'u valaau i le 988?

O fa'afeiloa'iga o le 988 Lifeline i setete e valaau mai e ono mata'ituina pe pu'eina mo le fa'amautinoaina o le lelei fa'atino o galuega. O le isi mea, o ofisa telefoni 'autū mo fa'afitauli i totonu o vaega soofa'atasi o le 988 Lifeline e mafai ona fa'aaogaina tuto'atasi valaau pu'eina mo le faia o a'oa'oga. E fuafuaina lenei faiga i ta'iala sili ona lelei a le ofisa 'autū.

Afai e te fesoota'i atu i le 988 Lifeline, e le mana'omia le tuuina mai o ou fa'amatalaga patino mo le maua ai o auaunaga. E tele vaega malupuipuia o fesoota'iga o sisitema mo le fa'ailoaina o popolega i le fa'aliloliloina o fa'amatalaga.

O avanoa le 988 Lifeline mo valaau i popolega i le fa'aaogaina o fualaau fa'asaina?

Ioe, e mafai ona e vili le 988 mo popolega i le fa'aaogaina o fualaau fa'asaina—ae peita'i, i se tulaga o se fa'alavelave fa'afuase'i ona ua onā i fualaau, vili le 911 ma faia le tui o le naloxone e tuuitiitia ai le onā i fualaau (o loo maua i gagana e 6).

E fa'apefea ona fa'atupe le 988 Lifeline mo le Pule i le Soifua & Fa'afitauli?

E saunia e le Konekeresi tupe mo tagata galulue i le Department of Health and Human Services e ala i le American Rescue Plan (Fuafuaga Fa'asaoina a Amelika), o nisi o loo lagolagoina tagata galulue o le 988 Lifeline.

O le talosaga o le paketi i le Tausaga Fa'aletupe a le Pelesitene 2022 ua saunia ai tupe fa'aopoopo mo le 988 Lifeline ma mo isi alagatupe mo fa'afitauli fa'afeterale.

I le tulaga i le setete, fa'aopoopo ai i alagatupe maua o loo iai a le malo/pisinisi tuma'oti, o le National Suicide Hotline Designation Act o le 2020 e fa'atagaina ai setete e faia auala fou mo tupe totogiina mo fesoota'iga ina ia lagolago ai le fa'agaioiga o le 988 Lifeline.

O le E2S HBs 1477 ma le 1134 o loo fa'atupeina e lafoga i luga o telefoni a Uosigitone ma le Voice over Internet Protocol (VoIP, Telefoni i luga o le Initaneti).

O a gagana e maua ai 'au'aunaga mo le 988 Lifeline?

O 'au'aunaga Tuusa'o a le 988 Lifeline o loo maua fa'aliliuga i le Igisili, Fa'aSipaniolo, ma le Gagana Amerika Faitaga (ASL). E fa'aaoga e le 988 Lifeline Laina mo Gagana Fa'aliliuina e saunia ai auaunaga fa'aliliu i le sili atu ma le 240 gagana fa'aopoopo fa'apea ma gagana fa'apitoa. O fe'au tusitusia ma talanoaga o loo iai fa'aliliuga i le Igilisi ma le na'o le Fa'aSipaniolo.

Fa'amata e tuufa'atasia e le 988 Lifeline i latou e faigata ona lagona pe po le vaai?

O le 988 Lifeline o loo galulue nei mo tagata e fa'aaogaina TTY a le ala atu ia latou auaunaga filifilia mo fesoota'iga poo le viliina o le 711 ona sosoo lea ma le 988. O le 988 Lifeline e ofoina atu foi auaunaga e ala i talanoaga ma fe'au tusitusia. E mafai foi ona e maua fesoasoani i le American Sign Language (ASL) e ala i le asiasi i le 988lifeline.org, filfilia o le sootaga o le "For Deaf & Hard of Hearing (Mo i latou e logonoa & Fa'aletonu le Fa'alogo)" ma filifili lea o le "ASL Now (ASL Taimi Nei)" i le itulau e sosoo ai.

O le Substance Abuse and Mental Health Services Administration (SAMHSA, Fa'aaogaina o Fualaau Fa'asaina ma 'Au'aunaga mo le Soifua Maloloina o le Mafaufau) o le vaega sooupu fa'afeterale o loo taulamua, e faipaaga ma le Federal Communications Commission (FCC) fa'apea ma le Department of Veterans Affairs. O le Vibrant Emotional Health o le Pulega Fa'alotoifale o le 988 Lifeline mo le Pule i le Soifua & Fa'afitauli.

(Sootaga fa'a'upega tafa'ilagi o loo i luga i le na'o le Igilisi)

Puna'oa o fa'amatalaga

911

E iai tali telefoni ua iai tomai a'oa'oina i le taliina o telefoni ma tali fe'au tusitusia e logoina ai leoleo, o le fuimū, poo 'au'aunaga a le taavale a le falema'i mo tagata ua tulaga pagātia ma fa'amata'uina ai le soifua poo mea totino. E avanoa lava le 911 i le 24/7, 365 aso i le tausaga.

Valaau pe lafo se fe'au tusitusia i le 911 mo:

Fa'alavelave tau taavale
Osofa'ia o fale pe gaoia
Sauāina pe fa'aoo manu'a
Afatia i le afi
Onā i fualaau pe o se manu'a tugā
Matapogia
Taumafai e pule i le soifua

988

O faufautua ua ia tomai a'oa'oina e taliina telefoni, o fe'au tusitusia, ma fa'atalatalanoa mo le tuuina atu o fesoasoani fa'alilolilo e lagolago ai tagata ua iai fa'afitauli o le soifua maloloina o le mafaufau, popolega i le fa'aaogaina o fualaau fa'asaina, poo mafaufauga e pule i le soifua. E mafai foi e faufautua o le 988 i taimi o fa'afitauli ona fa'asoa tamaoaiga o le komiuniti mo fesoasoani fa'auauauina. E avanoa lava le 988 i le 24/7, 365 aso i le tausaga.

Fa'afesootai le 988 mo:

Mafaufauga e pule i le soifua
Fa'alogona popole, mafatia, poo le atuatuvale o le loto
Popolega i le fa'aaogaina o fualaau fa'asaina
Soo se mafatiaga poo lagona ootia i taimi o fa'afitauli

Valaau pe lafo se fe'au tusitusia i le: 988

Talanoa: 988lifeline.org/chat

TTY: Vili le 711, ona oomi lea o le 988

Valaau ma vitiō ma le ASL: https://988lifeline.org/help-yourself/for-deaf-hard-of-hearing/

211

E iai tagata ua iai le tomai a'oa'oina i fa'amatalaga ma tagata e iai le tomai fa'apitoa latou te fesoasoani i le fa'asinoina o oe i 'au'aunaga fa'asoifua maloloina ma 'au'aunaga fa'aagafesoota'i mana'omia e ala i le fesoota'iina o tagata i 'au'aunaga fa'alotoifale ma alaga'oa a le komiuniti. O itula o le 211 e fesuisuia'i e fuafua i lou nofoaga. O nisi ofisa 'autū mo fesoota'iga e tatala i Aso Gafua seia oo i le Aso Faraile, ae o isi e tatala i le fitu aso i le vaiaso.

Fa'afesoota'i le 211 mo fesoasoani i le sa'iliina o 'au'aunaga fa'alotoifale ma alaga'oa mo:

Mea'ai, apitaga, poo vaega mana'omia mo auala o femalagaa'iga
Fesoasoani i le totogiina o falenofo, ma tau o isi mea mana'omia
Tulaga lelei ma le māmā o mea e fa'aaoga ma vaega mana'omia fa'asoifua maloloina mo oe poo se isi tagata
Fesoasoani fa'atausi soifua e le totogiina
Fesoasoani mo a'oa'oga ma galuega
Lagolagoina o tagata matutua ma tagata e iai ma'i tumau

Vili le: 211

Lafo se fe'au tusitusia i le: numera pusameli 898211

Talanoa: 211kingcounty.org

TTY: Vili le 711, ona oomi lea o le 211

Community Care Hubs

E fesoasoani i latou e fa'afoeina tausiga mo tagata ma o latou aiga e iai tulaga faigata pe tele mana'oga mo apitaga, auala o femalagaa'iga, togafitiga fa'asoifua maloloina, ma isi 'au'aunaga. E fesoota'i nofoaga mo fesoasoani i komiuniti i atumotu ma galulue fa'atasi ma fa'alapotopotoga i le lotoifale e tuuina atu fesoasoani fa'aauau pea i nofoaga o komiuniti e faia ai galuega fa'atogafitiga ma lagolago i tagata e ala i le sa'iliina o vaega latou te mana'omia.

Fa'afesoota'i le Community Care Hubs (Nofoaga mo Fesoasoani a le Komiuniti) mo fesoasoani tau fale, mea taumafa, apitaga, auala o femalagaa'iga, togafitiga o le soifua maloloina, fesoasoani tau tupe, ma isi.

O le ofisa 'autū mo fesoota'iga e fa'asinoina tagata mo fesoasoani i le Community Care Hub e tatala i le Aso Gafua se'ia oo i le Aso Faraile, 9 a.m. i le 7 p.m. ma le Aso Toona'i 9 a.m. i le 1 p.m.

Vili le: 1-833-453-0336

Washington Poison Center

O le Washington Poison Center (WAPC) latou te tuuina atu vave fautuaga e le totogiina mo togafitiga talafeagai ma fesoasoani mai tausi soifua ua lava le tomai, foma'i i fale talavai, fa'apea ma 'au'aunaga e maua ai fa'amatalaga o vailaau oona.

Afai o oe poo se tasi e pele ia te oe ua foloina pe sa mānavaina ni kasa oona, latalata i vaega e iai ea malolosi ma oona, poo ni vaega e ono iai tulaga e matuā fa'aletonu ai le soifua maloloina, e mafai ona e maua mai se fesoasoani pe a e vili i le telefoni, 24/7/365. E saunia e le WAPC fa'amatalaga ma fesoasoani i gagana e 140.

E tuuina atu e le tali telefoni ua loa lona tomai le tele o fa'amatalaga e fa'atatau i togafitiga ma ofoina atu ta'iala mo taimi e tatau ai ona ave oe i le potu o fa'alavelave fa'afuase'i pe sa'ilia nisi togafitiga fa'atausi soifua.

Vili le: 1-800-222-1222

TTY: Valaau le 711 mo le Washington Relay Service

Numera o Fesootaiga i Fa'afitauli

(se'i vagana ua fa'amauina, na'o le Igilisi e maua ai)

Teen Link (uepesite i le Igilisi, o nisi 'au'aunaga e maua i le Fa'aSipaniolo) - 1-866-TEENLINK
The Trevor Project – 1-866-488-7386, lafo le fe'au tusitusia i le 678-678
Laina mo le Soifua Maloloina o Mafaufau o Tinā Failele i le Lotoifale (uepesite i le Igilisi, e iai 'au'aunaga i le Fa'aSipaniolo) – 1-833-9-HELPMOMS
Laina Fesoasoani mo Aafiaga Tugā o Lagona Mafatia (e maua i le Fa'aSipaniolo) – 1-800-985-5990
Lifeline mo Itupa Fesuia'i – 1-877-565-8860
O le Native Resource Hub (e maua i gagana e 12): O lenei laina 'autū o alaga'oa i totonu o le atunuu atoa sa fa'avaeina ina ia 'ausia mana'oga o vaega fa'ale-ituaiga ma tagata aufa'atasi i ituaiga e ono mana'omia fesoasoani mo le fa'asolosoloina o sisitema mo le soifua maloloina o amioga fa'afaigata. E fesoasoani lenei Fetaula'iga 'Autū i ofisa sooupu i vaega fa'ale-ituaiga, 'au'aunaga fa'apolofesa mo tausiga o le soifua maloloina, falema'i, o ma'i tausavali fa'apea ma aiga ma tagata ta'ito'atasi. Mo nisi fa'amatalaga, valaau sa'o i le Fetaula'iga 'Autū i le 1-866-491-1683.

Auala o Fa'amatalaga 988

O nisi o nei puna'oa o fa'amatalaga e maua i isi gagana. Fa'aaoga le fa'amau lanu moli e filifili ai gagana o loo i le pito i luga o lenei itulau e sa'ilia ai fa'amatalaga i lau gagana.