COVID Fa'aumiumi

O le ā le COVID Fa'aumiumi?

O le COVID Fa'aumiumi e mafai ona tupu pe a mae'a ona e ma'i i le COVID-19. O se ma'i tūmau, o lona uiga e umi se taimi e tumau ai, ma/pe mafai ona alu ma toe sau a o faʻagasolo le taimi. E fa'aigoaina o le "post-COVID syndrome", "post-covid-COVID-19 condition (PCC) po'o le "long-haul COVID" i isi taimi.

O le COVID Fa'aumiumi o se tulaga tau soifua malōlōina matuiā ua a'afia ai le miliona o tagata matutua ma tamaiti i Amerika. E eseʻese lava tulaga o āugamai le tulaga lē ogaoga i le matuā ogaoga ma e tumau mo le itiiti ifo i le tolu masina. I nisi o tulaga, e mafai e le COVID Fa'aumiumi ona maua ai i se gasegase o le lē atoatoa o le malosi o le tino.

E tele mea e lē o iloa e fa'atatau i le COVID Fa'aumiumi ona o se gasegase fou. O le tausaga 2019 sa muamua ona maua ai le siama lea o le SARS-CoV-2 e mafua ona maua ai le COVID-19. O loʻo fa'aauau pea ona matou a'oa'oina atili a o faʻagasolo a o faʻaauau su'esu'ega.

Āuga o le COVID Fa'aumiumi

O āuga o le COVID Fa'aumiumi e mafai ona tumau mo ni masina po ni tausaga talu ona uma ona a'afia se tasi i le COVID19 E mafai ona 'ese'ese āuga mai lea tagata i lea tagata, ma e faigatā ona iloa toe faigatā na fa'amaonia o loʻo aʻafia ai se tasi.

E tusa ai ma le Centers for Disease Control and Prevention (CDC, Nofoaga 'Autū o le Puleaina ma Puipuiga o Fa'ama'i), e silia ma le 200 auga o le COVID Fa'aumiumi. E ono faʻateteleina āuga pe a mae'a ona faia ni gaoioiga fa'aletino po'o le fa'alemafaufau. O āuga e sili ona ta'atele e aofia ai:

  • Le lelavā e a'afia ai le olaga i aso ta'itasi
  • Lagona le lē lelei o le soifua malōlōina (i se tulaga e faigatā ona fa'amatala) ina ua mae'a ni gaoioiga fa'aletino po'o gaoioiga fa'alemafaufau
  • Faigatā ona mafaufau pe uaʻi atu i se mea, e taʻu foʻio le "puaoa le mafaufau"
  • Fiva
  • Faigatā ona mānava
  • Tale
  • Tigā le fatafata
  • Vave le tātā o le fatu
  • Suiga i le sogisogi ma le/poʻo le tofo
  • Tīgā le ulu
  • Faigatā ona moe
  • Popōlega po'o le loto mafatia
  • Niniva pe a tū i luga
  • Tīgā o so'oga ponaivi po'o maso
  • Lagonaina le tigā matuitui
  • Tīgā le manava
  • Manava tatā
  • Mamau le manava
  • Mūmū mageso le paʻu
  • Suiga i le fa'agasologa o le ma'i masina

O ai e mafai ona maua i le COVID Fa'aumiumi?

So'o se isi sa maua i le COVID-19 e mafai ona maua i le COVID Fa'aumiumi, tusa lava pe le'i iai ni āuga a o maua i le COVID-19. O tagata sa maua i le COVID-19 e sili atu ma le tasi se taimi e ono lamatia i latou i le mauaina o le COVID Fa'aumiumi i taimi uma lava e inifeti ai i le COVID.

E tusa ai ma su'esu'ega sa lolomiina ia Iuni 2024, o se fua faʻatatau e tusa ma le 6.4% o tagata matutua o lo'o nonofo i Washington sa maua i le COVID Fa'aumiumi mai ia Oketopa 2023, ma pe e tusa ma le 117,000 i latou ua iai ni faʻaletonu ogaoga ua faʻatapulaʻaina mea ua mafai ona latou faia. O lenei su'esu'ega na iloa ai foʻi, o fua faʻatatau o le COVID Fa'aumiumi sa sili ona maualuga i le ogatotonu ma le itu i sasa'e o Washington i le taimi lea. O le pasene o tagata matutua i Washington o lo'o maua i le COVID Fa'aumiumi e masani ona fa'amaonia mai le Household Pulse Survey (Su'esu'ega o le Tātā o le Fatu o le Aiga).

Faimai le CDC o tagata e sili atu ona a'afia i le COVID Fa'aumiumi e aofia ai:

  • Tama'ita'i.
  • Tagata matutua.
  • Tagata o lo'o maua i gasegase faʻaumiumi.
  • Tagata Hispanic ma Latino.
  • Tagata e lē lelei le soifua malōlōina pe na taofia i le falema'i ona o lo'o maua i le COVID-19.
  • Tagata e le'i faia ni o latou tui puipui mo le COVID-19.

O tagata o lo'o mafatia ona o le lē tutusa o avanoa tau soifua malōlōina e mafai ona maualuga le a'afiaga leaga mai le COVID Fa'aumiumi. Le tutusa o avanoa tau soifua malōlōina e tupu pe a iai se vaega o tagata e ese'ese i'uga tau soifua malōlōina ona o mafua'aga faiga i totonu o le matagaluega o le soifua malōlōina (e a'afia ai le faiga atoa), o mafuaaga e lē mafai ona alofia, ma e lē tonu.

E tusa ai ma le Office of the Assistant Secretary of Health (OASH, Ofisa a le Failautusi Lagolago o le Soifua Maloloina), o vaega o tagata e itiiti le avanoa e mauaina ai auaunaga tau soifua malōlōina, e latou te lagonaina le māsiasi po'o le tausalaina mai le faiga a le matagaluega soifua malōlōina, e ono itiiti ai se avanoa e maua ai se fa'amaoniga o loʻo maua i latou i le COVID Faʻaumiumi.

E mafai ona e faitau atili e uiga i le auala o lo'o fo'ia ai e le OASH le lē tutusa o avanoa mo tagata uma o loʻo a'afia i le COVID Fa'aumiumi iinei.

Puipuiga mai le COVID Faʻaumiumi

E mafai ona e puipui mai le aʻafia i le COVID faʻaumiumi e ala lea i le lē mauaina o le COVID-19. O le fa'afouina o tui puipui o le COVID-19 o lou puipuiga sili lea mai i aʻafiaga o le COVID-19.

O tagata ua fai o latou tui puipui ae o loʻo maua pea i le COVID-19 e ono itiiti le avanoa e maua ai i latou nei i le COVID fa'aumiumi na i lo i latou e le'i faia tui puipui.

E iai isi mea e mafai ona e fa'aaogāina e puipui mai ai i siama o le COVID-19, e pei o le fa'aāogāina lea o se tali fofoga, fa'aleleia le ala o le ea ma le fa'amamā ea, fa'amasani i le fufuluina o lima i le fasimoli ma le vai i taimi uma, fa'amasani i le fa'amamā o mea na pa'i iai, fa'avāvā mamao mai le isi tagata, ma fai su'esu'ega.

A fa'apea o lo'o e maua i le COVID-19, puipui isi mai le COVID-19 i le mulimuli i ta'iala nei. 

Puipui oe mai i a'afiaga o le COVID Faʻaumiumi: Fai Tui Puipui (Igilisi) (PDF)

A'oa'o atili i le faia o tui puipui mo le COVID-19

Faʻamaonia ua maua se tasi i le COVID Fa'aumiumi

E mafai ona faigatā ona fa'amaonia le maua o se tasi i le COVID Fa'aumiumi. E ono faigatā ona malamalama fomaʻi i nisi o āuga. E leai se su'esu'ega i le taimi nei i le fale su'esu'e po'o se sa'iliiliga fa'aata mo le faʻamaonia o loʻo maua se tasi i le COVID Fa'aumiumi. O su'esu'ega fa'afoma'i e mafai ona fa'aalia mai ai se i'uga masani e tusa pe maua le tagata gasegase i le COVID Fa'aumiumi. E mafai ona tutusa āuga ma uiga o le COVID Fa'aumiumi ma nisi o gasegase faʻaumiumi.

O nisi o tagata na lipotiina mai āuga o le COVID Fa'aumiumi sa lē maua i latou i ni āuga o le COVID-19. E leʻi faia ni a latou siaki COVID-19 i le taimi fa'atoʻā mama'i ai. O le mea lea ua fa'afaigata ai ona fa'amaonia pe sa latou maua i le COVID-19 ma e ono faigatā ai ona faʻamaonia pe ua latou mauaina. E mafai ona fesoasoani le faia o se siaki o le COVID-19 pe a e faʻatoʻā lagonaina le ma'i e fesoasoani ai i le suʻesuʻeina pe o e maua i le COVID Fa'aumiumi i se taimi mulimuli ane, pe a manaʻomia.

Lisi o Mea e Fai mo le Fa'amaoniga o le Soifuaga mo le COVID Fa'aumiumi (CDC) (Igilisi)

Tulaga fou ma Tulaga masani o le Soifua Malōlōina

O le COVID Fa'aumiumi e mafai ona a'afia ai letele o totoga o le tino. E mafai ona sau s tagata ma'i ma se gasegase e tasi pe sili atu e mafai ona faʻamaonia e le fomaʻi poʻo le ā le gasegase, e pei o: le gasegase e osofaʻia faʻafuaseʻi e le tino ona lava aʻano malōlōina, sela ma totoga ma le gasegase o le myalgic encephalomyelitis/chronic fatigue syndrome (ME/CFS).

O lona uiga o tagata sa maua i le COVID-19 e ono mafai ona maua i nisi gasegase poʻo ni fa'afitauli fou i le soifua malōlōina, e pei o le ma'i suka poʻo le tulaga o le aʻafia ai o le fatu. O tulaga masani o le soifua malōlōina e pei o le ma'i suka ma le ma'i fatu e ono mafai ona fa'ateteleina pe a uma ona maua se tasi i le COVID-19.

Ola ma le COVID Fa'aumiumi

E tele lava mea e lē o iloa e fa'atatau i le COVID fa'aumiumi. O le maua i le COVID Fa'aumiumi poo le lagolago i se isi o lo'o a'afia i le COVID Fa'aumiumi e mafai ai ona e maua ai i le lē mautonu. O le COVID Fa'aumiumi e mafai ona fa'aalia ai ni āuga ese'ese mai lea tagata i le isi tagata. E iai isi tagata e mafai ona puleaina āuga o le ma'i a'o isi e ono lē atoatoa ai le malosi. 

Manatua e lē na'o oe. E tusa ai ma le Centers for Disease Control and Prevention (CDC), e 1 mai i le 4 tagata matutua o loʻo maua i le COVID Fa'aumiumi o loʻo lipotia mai ua tapulaʻa mea e mafai ona latou faia mai i lea aso i lea aso. O le auai i se vaega tautua e mafai ona fesoasoani i le fa'aitiitia o lagona o le to'esea.

A'oa'o atili

Talosaga mo ni suiga e talafeagai. O le talosaga mo se suiga talafeagai o se suiga e fai mo se tasi poʻo se mea. O āuga o le fa'ama'i e ono faigatā ai pe lē mafai ai ona fai e tagata mea sa masani ona latou faia ae le'i mama'i. E faigatā ona taulimaina galuega, feʻau ma a'oga. E ono avea ma se tiute tauave o le falefaigaluega ma le aʻoga le faia o ni fetuʻutuʻunaʻiga talafeagai mo ou āuga.

Tagaʻi i le ‘COVID Fa'aumiumi ma Aiā Tatau Fa'alemana'oga Fa'apitoa i lalo’

A'oa'o atili

Puleaina lou malosi. O se āuga masani o le fa'alogonaina le lelavā, aemaise lava pe a uma se taumafaiga fa'alemafaufau poo le fa'aletino. Ia mafaufau lelei i le fa'asoaina o lou malosi ma fai malōlōga faifaipea a o faʻagasolo le aso.

A'oa'o atili e uiga i P e 4 o le puleaina o lou malosi mo le COVID Fa'aumiumi iinei: 120-066 - COVID Fa'aumiumi "4 P's" poster - 8.5x11 - June 2023 (wa.gov) (Igilisi)

COVID Fa'aumiumi ma Aiā Tatau Fa'alemana'oga Fa'apitoa

O le COVID Fa'aumiumi e mafai ona mafua ai faʻaletonu o le tino ma le mafaufau. E mafai ona taʻua o se mana'oga fa'apitoa i lalo o le Americans with Disabilities Act (ADA, Tulafono Ta'iala mo Tagata Amerika e iai Mana'oga Fa'apitoa). O tagata o loʻo maua i le COVID fa'aumiumi e mafai ona puipuia fa'atulafonoina mai faiga fa'ailoga tagata agaʻi tagata o loʻo iai mana'oga fa'apitoa. E ono agavaʻa i latou mo ni suiga talafeagai mai i pisinisi, setete, ma faigamalo fa'alotoifale.

Ta'iala mo le “COVID Fa'aumiumi” o se Mana'oga Fa'apitoa i Lalo o le ADA (Igilisi)

COVID Fa'aumiumi ma Ma’itaga

O fafine ma'itaga ma fafine sa ma'itaga i se taimi lata mai e ono maʻi tigaina mai i le COVID-19. E mafai ona mafua mai i le COVID-19 faigatā e aʻafia ai le ma'itaga ma le tuputupuaʻe o le pepe. E saogalemu ma fautuaina mo tagata o lo'o ma'itaga poʻo e o loʻo fa'asusuina i le susu e fai o latou tui puipui mai le COVID-19.

E mafai e fafine maʻitaga ona mauaina le COVID Fa'aumiumi. O lo'o faia pea su'esu'ega e uiga i a'afiaga o le COVID Fa'aumiumi i le taimi e maʻitaga ai ma le taimi ua umaona fanau ai. 

COVID Fa'aumiumi ma Tupulaga Talavou

E mafai foi ona aafia le tupulaga talavou mai le COVID fa'aumiumi. O talavou e masani ona vaivai pe faigatā ona uaʻi atu, atonu e faigatā ona auai i le a'oga ma isi mea fai. O tamaiti laiti atonu e lē mafai ona fa'amatala lelei o latou āuga.

O tamaiti e maua i le COVID Fa'aumiumi e ono agava'a mo a'oga fa'apitoa, puipuiga poʻo auaunaga feso'ota'i i lalo o Tulafono fa'afeterale.

O le faia o tui puipui o tupulaga talavou e teteʻe atu ai i le COVID-19 o se auala sili lea e alofia ai le mauaina o le COVID fa'aumiumi. A'oa'o atili e uiga i tui puipui o le COVID-19 iinei.

Punaoa mo Alalafaga

Punaoa mo Foma'i ma le Soifua Malōlōina Lautele

Punaoa mo Paaga